منتدى كنيسة السيدة العذراء مريم بالبطاخ
مرحبا بك عزيزى الزائر/عزيزتى الزائرة
سلام المسيح يكون معاك
انت لم تعرفنا بنفسك فقم بالدخول :-
وان لم يكون لك حساب بعد , نتشرف بدعوتك لانشائة .نتمنى ان تنضم الى اسرة منتدى كنيسة العذراء مريم بالبطاخ
سنتشرف بتسجيلك

شكرا
ادارة المنتدى

معجزة مار جرجس والسيارة

اذهب الى الأسفل

معجزة مار جرجس والسيارة

مُساهمة من طرف abram في الخميس مايو 27, 2010 3:11 pm

ما تخافش العربيه سليمه ؟؟؟!!!

صاحب المعجزه دي
اب كاهن من اسيوط
معروف لدي الدير
بعد ما صليت القداس واتناولت من الاسرار المقدسه
خرجت بعربيتي رايح القاهره مع اثنان من الاقرباء
رايحين للمستشفي للعلاج
وفي الطريق السريع عند محافظه المنيا
كان قدامي عربيه وانا ماشي بسرعه 110 كم
حاولت اتفادي العربيه الي قدامي في احدي المنحنيات
مقدرتش لان الطريق ضيق وانقلبت عربيتي علي جنبها اليمين
ومره تانيه علي جنبها الشمال ولفت علي الطريق الاسفلت
وبقا وش العربيه متجه للصعيد بدل القاهره
كان مقابلي عربيه جايه من القاهره ووراياه مقطوره جايين بسرعه عاليه
ووراها عربيه ويمني عربيه وشمالي عربيه
كلهم اصطدموا ببعض ما عدا عربيه جيب كانت
علي مسافه من مكان الحادثه قدرت تقف وتتفادي الموقف
وانا من صدمتي اضطربت جدا وما بقيتش عارف اتصرف
ولقيت نفسي خارج من العربيه انا والي معاياه
وسامع الناس الي حواليه وكانوا غير مسيحيين بيقولوا
سيدنا الخضر
وبصيت حاليه لقيت ناس كتير علي الارض
منهم الي مات
والدم علي الطريق
وانا قعدت اتلفت حوالين نفسي من المنظر وقعدت ابص علي العربيه
انا اعرف مار جرجس من صوره بس مكنتش بتعامل معاه كتير
كنت خايف علي عربيتي جدا
بصيت لقيت قدامي شخص راكب علي حصان


[ندعوك للتسجيل في المنتدى أو التعريف بنفسك لمعاينة هذا الرابط]



بيشاورلي علي العربيه وبيقولي
)( العربيه قامك سليمه ما تخافش )(
ورغم ان العربيه اندعكت علي الارض كذه مره
الا اني مالقيتش فيها خدش واحد
ولقيت صاحب العربيه الجيب جاي بيهديني
ويديني مياه اشرب وبيقولي
بالحرف الواحد
انا غير مسيحي بس الي شفته النهارده
مستعد اشهد بيه قدام الناس كلها
انا شفت سيدنا الخضر راكب علي حصان
ورافع عربيتك من وسط الطريق زي فانوس رمضان
انتم فعلا اولياء الله
وللامانه انا من النوع الي مش بيصدق بسهوله في المعجزات
ولما كنت اسمع سيده بتقول ان خاتمها الذهب ضاع
ونادت علي مار جرجس او البابا كيرلس ولقته
كنت اقول في نفسي
كانت تدور كويس هو كل حاجه معجزه
ويروحوا يكتبوها في الكتب لكن ربنا
اداني درس قوي جدا في حياتي
بعد الموقف ده انا مش عارف اتمالكت نفسي اذاي
وسوقت عربتي ونزلت القاهره في بيت والدي
وذكرت الحادثه دي قدام بعض خدام كانوا موجودين
فقالولي ان النهارده عشيه عيد مارجرجس
وبكره عيد تكريس كنيسته في اللد بفلسطين
وانا مكنتش اعرف تواريخ اعياد الشهيد مار جرجس
الا عيد استشهاده في 1 مايو
وانا جيت الدير واشتركت في الاحتفال بالعيدوخدت بركه حمل الجسد
في زفه رفات الشهيد بالدير
وعملنا تمجيد كبير للشهيد العظيم مار جرجس
صاحب الفضل عليه الي انقذ حياتي وحياه الي كانوا
معاياه في العربيه
اشكر الله كثيرا وشهيده
العظيم مار جرجس
ملحوظه
تفاصيل المعجزه دي اتنشرت في الاهرام في صفحه الحوادث
بعنوان
حادث مروع بطريق الصعيد
تصادم عده سيارات وموت واصابه عده

السلام لك ايها الشهيد
السلام للشجاع المجاهد
السلام للابس الجهاد
جيؤرجيوس

تم تسجيلها بالدير يوم
16 نوفمبر 2006 يوم عيد تكريس
كنيسه مار جرجس
باللد - فلسطين
avatar
abram
مديرعام المنتدى
مديرعام المنتدى

عدد المساهمات : 522
تاريخ التسجيل : 06/12/2009
العمر : 27
الموقع : stmary.elbotak.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى